{"id":39129,"date":"2018-06-01T16:23:00","date_gmt":"2018-06-01T16:23:00","guid":{"rendered":"https:\/\/athrofa.cymru\/2021\/02\/26\/dilyniant-dysgu-i-gymru\/"},"modified":"2021-02-28T21:28:42","modified_gmt":"2021-02-28T21:28:42","slug":"dilyniant-dysgu-i-gymru","status":"publish","type":"post","link":"https:\/\/athrofa.cymru\/cy\/2018\/06\/01\/dilyniant-dysgu-i-gymru\/","title":{"rendered":"Dilyniant Dysgu i Gymru"},"content":{"rendered":"

Mae’r Prosiect CAMAU wedi cyhoeddi Adroddiad Ymchwil sylweddol heddiw sy’n llywio agwedd hanfodol ar ddiwygio’r cwricwlwm i Gymru.<\/strong><\/p>\n

Nod y prosiect CAMAU, a ddatblygwyd mewn partneriaeth rhwng Prifysgol Cymru y Drindod Dewi Sant (PCYDDS) a Phrifysgol Glasgow, yw meithrin dealltwriaeth gyffredin o ‘ddilyniant’ yn arferion dysgu plant a phobl ifanc rhwng 3 ac 16 mlwydd oed, a hynny yng nghyd-destun Dyfodol Llwyddiannus.<\/p>\n

Cyhoeddwyd adolygiad eang yr Athro Graham Donaldson<\/a> o’r cwricwlwm a’r trefniadau asesu yn 2015, a chynigiodd gyfle i ailymweld ac ailddatgan dibenion sylfaenol addysg ar gyfer plant a phobl ifanc Cymru. Roedd y glasbrint i ddiwygio’r cwricwlwm, a ddeilliai o hynny, yn amlygu nifer o argymhellion sy’n cael eu gweithredu, a hynny wrth baratoi ar gyfer cyflwyno’r cwricwlwm yn 2022.<\/p>\n

Sefydlwyd y prosiect CAMAU<\/a>, trwy gyllid gan PCYDDS a Llywodraeth Cymru, i gydweithio ag athrawon a gwneuthurwyr polisi i ddatblygu fframweithiau dilyniant ar gyfer pob rhan o’r cwricwlwm. Lluniwyd y disgrifiadau hyn o ddilyniant o ran dysgu ar sail tystiolaeth, ac maent yn cefnogi arferion asesu sy’n gyson ag ‘ysbryd’, yn hytrach na \u2018llythyren\u2019, y broses o asesu ar gyfer dysgu.<\/p>\n

Mae’r Adroddiad Ymchwil, a gyhoeddir heddiw, yn amlygu’r gwaith a wnaed hyd yma i nodi them\u00e2u allweddol sy’n codi yn sgil gwaith ymchwil, a hynny o ganlyniad i arolwg o bolis\u00efau ac arferion mewn sawl gwlad, yn ogystal ag o Dyfodol Llwyddiannus. Mae’r Adroddiad Ymchwil yn esbonio’r modd y mae’r canfyddiadau wedi cael eu hystyried gan athrawon o’r Ysgolion Arloesi, sy’n gyfrifol am ddatblygu’r cwricwlwm newydd i Gymru, wrth iddynt gydweithio \u00e2 th\u00eem CAMAU i ddatblygu’r fframweithiau dilyniant.<\/p>\n

Cyhoeddir yr Adroddiad Ymchwil mewn tri fformat:<\/p>\n