{"id":39139,"date":"2021-02-26T16:23:05","date_gmt":"2021-02-26T16:23:05","guid":{"rendered":"https:\/\/athrofa.cymru\/2021\/02\/26\/aros-neu-beidio-pam-maen-well-i-loegr-chwaraer-gem-aros-pan-maen-dod-ir-cwricwlwm\/"},"modified":"2021-02-26T16:23:05","modified_gmt":"2021-02-26T16:23:05","slug":"aros-neu-beidio-pam-maen-well-i-loegr-chwaraer-gem-aros-pan-maen-dod-ir-cwricwlwm","status":"publish","type":"post","link":"https:\/\/athrofa.cymru\/cy\/2021\/02\/26\/aros-neu-beidio-pam-maen-well-i-loegr-chwaraer-gem-aros-pan-maen-dod-ir-cwricwlwm\/","title":{"rendered":"Aros neu beidio? Pam mae\u2019n well i Loegr chwarae\u2019r g\u00eam aros pan mae\u2019n dod i\u2019r cwricwlwm"},"content":{"rendered":"

Wrth i Gymru baratoi ar gyfer ei hatgyweiriad mwyaf o\u2019r cwricwlwm cenedlaethol mewn 30 mlynedd, mae Nick Rogers yn ystyried a ddylai Lloegr ei dilyn neu beidio…<\/strong><\/em><\/p>\n

 <\/p>\n

Yn 2022 (os bydd popeth yn iawn a heb unrhyw rwystro pellach), bydd Cymru yn dechrau rhoi ar waith ei chwricwlwm cenedlaethol newydd ym mhob ysgol y wladwriaeth ar draws y wlad.<\/p>\n

Mae\u2019r cwricwlwm newydd a gynlluniwyd gan yr Athro Graham Donaldson<\/a>, mewn cydweithrediad ag athrawon ac ysgolion arloesol, yn cynrychioli cam ymlaen cyffrous i bolisi addysg Cymru.<\/p>\n

Gan symud i ffwrdd o bynciau traddodiadol a\u2019u newid am chwe Maes Dysgu a Phrofiad (MDPh), mae\u2019r cwricwlwm yn ceisio paratoi pobl ifanc yn well ar gyfer bywyd a\u2019u galluogi i ymaddasu\u2019n fwy cadarnhaol i sefyllfaoedd sy\u2019n newid, a\u2019u haddysgu, efallai am y tro cyntaf mewn cymaint o fanylder, am y byd digidol.<\/p>\n

Ar yr wyneb, mae\u2019r newid i weld yn gadarnhaol ac yn flaengar dros ben. Felly, tybed a ddylai Lloegr ddilyn?<\/p>\n

Yn gyntaf, byddai athrawon ar draws Lloegr wrth ei boddau yn manteisio ar y cyfle y cafodd athrawon Cymru i fod yn rhan o gynllunio\u2019r cwricwlwm.<\/p>\n

Gwn o brofiad fy hunan nad yw pob athro yn cytuno \u00e2 phopeth y mae\u2019n rhaid iddo ei addysgu sydd ar gwricwlwm cyfredol Lloegr.<\/p>\n

Byddai\u2019r rhan fwyaf o athrawon, o leiaf ar y cychwyn, yn croesawu\u2019r cyfle o fod yn rhan o gynllunio cwricwlwm ar gyfer pwnc maent yn ei hoffi\u2019n fawr.<\/p>\n

Ond gallai hyn newid unwaith y mae\u2019r athrawon yn ystyried faint o waith ychwanegol y byddai hyn yn ei olygu ar ben ei bywydau prysur, ond er hynny, mae\u2019r syniad o gael dweud eich dweud am gwricwlwm Lloegr yn un deniadol.<\/p>\n

Yn bendant, mae\u2019r ffocws newydd ar gymwyseddau digidol hefyd yn ddeniadol, gyda thechnoleg yn symud ymlaen mor gyflym ac yn dod (os nad yw yn barod) yn rhan mor annatod o\u2019r ffordd y mae\u2019r byd yn gweithio.<\/p>\n

Ond nid yw\u2019r ffaith y byddai athrawon yn croesawu\u2019r cyfle i lunio cwricwlwm newydd o reidrwydd yn golygu bod angen cwricwlwm newydd.<\/p>\n

Gadewch i ni edrych, er enghraifft, ar y Rhaglen ar gyfer Profion Rhyngwladol Asesu Myfyrwyr (PISA).<\/p>\n

Defnyddir profion PISA gan lawer o wledydd ar draws y byd fel ffordd o gymharu eu systemau addysg.<\/p>\n

Roedd canlyniadau Lloegr ym mhrofion PISA 2015 yn uwch na sg\u00f4r cyfartalog Y Sefydliad ar gyfer Cydweithrediad a Datblygiad Economaidd (OECD) mewn mathemateg, darllen a gwyddoniaeth.<\/p>\n

Yn yr un flwyddyn, roedd canlyniadau Cymru yn is na\u2019r sg\u00f4r cyfartalog yn yr un tri phrawf<\/a>.<\/p>\n

Mae\u2019n bosibl y gallai fod Cymru wedi penderfynu ar ddiwygio ei chwricwlwm am nad yw\u2019n perfformio gystal \u00e2 gweddill y DU. Mae canlyniadau Cymru yn is na sg\u00f4r cyfartalog yr OECD mewn profion PISA, ac mae\u2019n rhaid gwneud rhywbeth i fynd i\u2019r afael \u00e2 hynny.<\/p>\n

Os yw Lloegr yn perfformio\u2019n dda yn y profion PISA, yna, pam y mae Lloegr hyd yn oed yn ystyried atgyweirio ei chwricwlwm?<\/p>\n

Yr ateb yw \u2013 Ni ddylai Lloegr atgyweirio ei chwricwlwm… eto.<\/p>\n

Os atal Cymru rhag cwympo yn bellach yn \u00f4l na gweddill y DU yw bwriad y rhesymu sydd y tu \u00f4l i\u2019r diwygiadau i addysg Cymru, yna dylai gweddill y DU aros i weld beth sy\u2019n digwydd.<\/p>\n

Mae cwricwlwm newydd Cymru yn eithaf radical o ran ei ddatblygiad a\u2019i gynnwys (er iddo ddilyn tuedd ryngwladol diwygio\u2019r cwricwlwm), a dylai gweddill y DU gadw llygad barcud ar ganlyniadau\u2019r fath ddiwygio radical.<\/p>\n

Y mae rhai elfennau o gwricwlwm newydd Cymru i\u2019w gweld<\/a>, i mi, fel athro, yn ddeniadol iawn.<\/p>\n

Er enghraifft, mae\u2019n ymddangos fel petai datblygiad y chwe maes dysgu a phrofiad, gan gynnwys un sy\u2019n canolbwyntio ar y celfyddydau mynegiannol, yn rhoi i bob pwnc yr un pwysigrwydd cyfartal, ac mae hyn o ddiddordeb mawr i mi (mae\u2019n cyferbynnu\u2019n hollol \u00e2\u2019r mesur Progress 8\u00a0Progress 8\u00a0y cyflwynodd Llywodraeth y DU, sy\u2019n ystyried mai mathemateg a Saesneg yw\u2019r pynciau mwyaf pwysig yn ysgolion Lloegr).<\/p>\n

Ond nid yw\u2019r ffaith ei fod yn edrych yn ddeniadol yn golygu y dylai Lloegr ruthro i gop\u00efo diwygio Cymru ar unwaith.<\/p>\n

Yr unig bren mesur go iawn sydd gennym ar gyfer mesur system addysg y naill wlad yn erbyn y llall yw\u2019r profion PISA. Felly, dylai gwneuthurwyr polis\u00efau yn Lloegr barhau i gadw llygad ar agor i weld a wnaiff sgoriau PISA Cymru wella unwaith i\u2019r cwricwlwm newydd gael amser i ymsefydlu.<\/p>\n

Gallai hyn olygu aros am 10 mlynedd neu fwy cyn penderfynu a yw\u2019r cwricwlwm newydd yng Nghymru yn llwyddiannus neu beidio, ond am fod Lloegr yn perfformio\u2019n dda ar hyn o bryd, gallwn fforddio aros.<\/p>\n

Gallai hyn hefyd roi cyfle i wneuthurwyr polis\u00efau yn Lloegr nodi\u2019r meysydd penodol hynny yng nghwricwlwm newydd Cymru sy\u2019n gweithio\u2019n dda a\u2019u hymgorffori yn system Lloegr, gan adael ar \u00f4l y newidiadau hynny sydd yn llai effeithiol.<\/p>\n

Byddwn yn dadlau bod unrhyw newid sy\u2019n gwella cwricwlwm yn newid cadarnhaol, felly dylai Lloegr bob amser ystyried newid ei chwricwlwm os oes unrhyw bosibilrwydd o\u2019i wella.<\/p>\n

Er hynny, nid yw pob newid bob amser yn beth da, a gall Lloegr aros.<\/p>\n